ОХУ-ын Буриад Улсын дээд шүүх саяхан ажлын байрандаа төмс авч явсан монголын галт тэрэгний үйлчлэгчийг торгосон Хиагтын шүүхийн шүүгчийн шийдвэрт эсэргүүцэл бичсэн прокурорын гомдлыг хэлэлцсэн байна. Өнгөрсөн оны есдүгээр сард монгол улсын галт тэрэгний үйлчлэгч Чулуунбаатарын Мөнхтуяа хүнсний зориулалттай төмс авч явсныг гарал үүсэл, эрүүл ахуйн гэрчилгээ байгаагүй гэсэн үндэслэлээр гаалийн байцаагч торгожээ. Ч.Мөнхтуяа энэ асуудлаар шүүхэд гомдол гаргасан ч Хиагтын шүүх  гаалийн байцаагийн талд шийдвэр гаргасан юм байна.
Прокурор үүнийг эсэргүүцэж дээд шатны шүүхэд гомдол гаргахдаа тэр багахан хэмжээний төмс нь ажлаа хийж явах үедээ хэрэглэх хүнсний зориулалттай болохоос биш ашиг олох зорилгоор худалдах гэж байсан зүйл биш гэсэн ч Буриадын дээд шүүх анхан шатны шүүхийн шийдвэрийг хэвээр үлдээж Монголын галт тэрэгний үйлчлэгчийг торгосон нь зөв гэсэн шийдвэр гаргасан байна.