Хадны завсар хавчуулагдсан халиуны зулзага хөөрхий гэдэг шиг шороон нурангид дарагдсан зааны тугалыг энэтхэгчүүд гаргаж авчээ. Энэтхэгийн Ассам муж дахь төмөр замын хажууд хөрс нурснаас зааны тугал нурангид дарагдан сүргээсээ ганцаархнаа хоцорсон байжээ. Нурангиас өөрөө гарах чадалгүй бяцхан амьтныг аврахаар тэр төмөр замаар явсан галт тэрэг зогсоход зорчигчид нь гарч ирж, зааны тугалыг өвс ногоогоор хооллон хамтын хүчээр түүнийг нүхнээс нь гаргажээ.