Оросын “Газпром” компанийн мэргэжилтнүүд Сахалины орчмын Өмнөд Киринийн шатдаг хийн орд газар нэмэлт хайгуул хийх явцад Орост хамгийн томд тооцогдохоор газрын тосны шинэ орд газар илрүүлсэн байна. Эндээс илэрсэн газрын тосны хэмжээг урьдчилсан байдлаар 464 сая тонн, шатдаг хийн хэмжээг 682 тэрбум шоо метр гэж мэргэжилтгнүүд тодорхойлжээ.
Ийм хэмжээний орд газрыг Орост нээлгүй нэлээд удаж байгаа юм. Хамгийн сүүлд буюу өнгөрсөн онд нээсэн шинэ орд газрын нөөц гэхэд газрын тосны хэмжээ нь 12 сая тонн, шатдаг хийнх нь 90 тэрбум шоо метр гэж тодорхойлогдоод байсан юм.
“Газпром” Өмнөд Киринийн орд газрыг одоо баригдаж байгаа “Владивосток” нэртэй газрын тос, шатдаг хий боловсруулах үйлдвэрийн үндсэн түшиц нөөц газар гэж нэрлэжээ. Энэ үйлдвэрийг нөөц газар олборлолт хийж эхлэхтэй зэрэгцэн 2018 онд ашиглалтад оруулах аж.
Сүүлийн үед Зөвлөлт задран унаснаас хойш ОХУ нь газрын тос, шатдаг хийн шинэ орд газрын хайгуул зогсонги байдалтай болсноор боловсруулах үйлдвэрүүдын үйл ажиллагаа болон экспортын хэмжээнд сөргөөр нөлөөлж эхлэх тухай яригдаад байсан юм.