Украины ерөнхийлөгч асан Виктор Янукович өнөө болтол эх орондоо байгаа гэж Улсыг аюулаас хамгаалах албаны шинээр томилогдсон тэргүүн Валентин Наливайченко мэдэгдлээ. Гэхдээ тэр яг одоо хаана байгаа нь тодорхойгүй байна гэж тэр хэлсэн байна. Тэр хаана байгаа бол гэсэн асуултад тэр “Тиймээ тэр өнөө болтол Украины нутаг дэвсгэрт байгаа. Хаана байгааг нь мэдсэн бол түүнийг баривчлах тухай Ерөнхий прокурорын  шийдвэрийг хэрэгжүүлэх байсан” гэж хариулсан байна.
Януковичийн зөвлөх байсан, Бүс нутгийн намын депутат Анна Герман  бас өөрийнх нь хуучин босс Украиндаа байсаар байгаа, гэхдээ би одоо түүнд яагаад ч тусалж чадахгүй. Түүний хаана байгааг мэдэх арга бас бий гэж хэлснийг “Новости Украины” сэтгүүл мэдээлжээ.
 Украины ерөнхийлөгч Виктор Янукович эхлээд онгоцоор эх орноосоо зугтах гэж байсан ч хилийн  цэргийнхэн онгоцонд нь хил нэвтрэх зөвшөөрөл өгөөгүй юм. Дараа нь түүнийг Крымд очиж оросын байлдааны хөлгөөр зугтаах гэж байна гэсэн мэдээлэл бас тарсан юм.
Түүнийг энгийн номхон жагсагчдын өмнөөс галт зэвсэг хэрэглэж олон хүний аминд хүрсэн хэрэгт буруутган эрүүгийн хэрэг үүсгэн эрэн сурвалжилж эхлээд байгаа юм.