Нийслэлийн гэр хорооллыг амьдрахад таатай олон улсын жишигт хүрсэн суурьшлын бүс болгон хөгжүүлэх зорилготой  гэр хорооллын дахин төлөвлөлтийн ажил иргэдийн анхаарлын төвд байна. Гэсэн хэдий ч иргэд дахин төлөвлөлтийг хэрхэн хийх, яаж оролцох талаар мэдээллээр дутмаг байгаа юм . Өрх бүр хувийн тохилог байшингаа барих уу, нийтийн орон сууцанд орох уу, дэд бүтцийн шугам сүлжээнд хэрхэн холбогдох вэ  гэсэн  асуудал тулгарч байгаа өнөө үед дахин төлөвлөлтийг ямар арга замаар  иргэдэд  таатай нөхцөлөөр зохион байгуулж  болох  талаар иргэд, эрдэм­тэд, инженерүүдийн санал санаачилгыг сонсохоор Хан-Уул дүүргийн Засаг дар­гын тамгын газраас урал­даан зарласан байна.
“Гэр хорооллын хөгжил-Инже­нерийн дэд бүтэц” сэдэвт уралдаан нь Хан-Уул дүүргийн гэр хорооллыг инженерийн дэд бүтцээр хангах /дулаан, цэвэр ба бохир ус зайлуулах систем/ эдийн засгийн өндөр өгөөжтэй, байгаль орчинд ээлтэй, ашиглахад хялбар, оновч­той технологийн шийд­лийг шалгаруулж урам­шуулал олгох төдийгүй өөрийн төслөө хэрэгжүүлэхэд оролцох ажлын байр ч санал болгож байгаа юм. Шалгаруулалтын талаарх дэл­гэрэнгүй мэдээллийг www.khanuul.mn сайтаас үзээрэй.