Малайзын иргэний агаарын тээврийн сёураггүй алга болсон онгоцонд австри, италийн иргэний алдсан  паспортыг ашиглан зорчиж явсан хоёр хүн нь ираны иргэн байсан. Иран нь өнгөрсөн хугацаанд Умард Солонгостой олон төсөл хамт хэрэгжүүлэн хамтарч ажиллаж байсан орон. Магадгүй Малайзын алга болоод байгаа МИ370 чиглэлийн онгоцыг хулгайлсан бол ямар нэгэн нууц байрлалд байлгаж байж болох юм гэж Ираны хэвлэлүүд бичиж эхэллээ.
Ираны телевизийн сэтгүүлч Насер Намвар ираны албан ёсны эх сурвалжийг үндэслэн "Хорт санаа бодол агуулсан хэд хэдэн хүн онгоцонд байсан байх. Тэд онгоцыг хяналтдаа аваад чиглэлийг нь өөрчлөн ниссэн”гэжээ. Тэгээд онгоц ямар ч дохио нэвтрэхгүй нууцалсан тоон хамгаалалттай газар байж болох юм гэдгээ “Онгоц аль нэгэн улсын хамгийн орчин үеийн электрон системээр хамгаалсан, гаднаас болон гадагшаа долгион, дохио дамжихааргүй тоон хамгаалалт бүхий газар байгаа” гэж тайлбарлажээ. Тэр бас том онгоц буучихаар ийм газар бол цэргийн бааз л байна гэсэн байна. “Боинг 777-220 онгоц чинь 64 метр урт, далавч нь 61 метр шүү дээ. Ийм том онгоцонд нислэгийн асар том зурвас хэрэгтэй” гэж Намвар бичжээ.
Үүнээс үүдээд хэвлэлүүд янз бүрийн эх сурвалжаас авсан мэдээлэл, хувилбаруудыг авч үзэхэд онгоцыг хулгайлж Умард Солонгост буулгасан байж магадгүй гэж бичиж байна. Боинг 777 онгоц бүтээдэг технологийг Умард Солонгосын тагнуулын агентлаг маш их сонирхдог байж болох юм.
"Malaysia Airlines" MH370 чиглэлийн онгоц гуравдугаар сарын 8-нд сураггүй алга болсон юм. 20 орчиморны аврах, эрэн хайх багууд агаараас усан замд хайсаар байгаа ч ямар ч үр дүнд хүрээгүй байгаа юм.