Украины Эрчим хүчний сайд асан Эдуард Ставицкийн гэр хуулийн ажилтнууд нэгжлэг хийх үедээ 42 кг цэвэр алт, бараг 5,0 сая доллар бэлнээр олсон байна. Мөн энд дэлхийн брэнд компаниудын үйлдвэрийн олон цаг, үнэт металлууд, үл хөдлөх хөрөнгийн баримт бичгүүд олсон гэж Украины ДЯЯ-ны сайд Арсен Аваковын мэдээллийг үндэслэн УНН агентлаг мэдээлсэн байна. 

Ставрицкийн эзэмшлийн гурван ч орон сууц, Ставицкийн эхнэрийн эзэмшдэг албан  байранд хуулийнхан нэгжлэг хийж байна гэж үүний өмнө мэдээлж байсан юм. Эрчим хүчний сайд асан Ставицкийг “Улсын их хэмжээний хөрөнгийг хувийн эрх ашгийн үүднээс үрэн таран хийсэн” гэсэн үндэслэлээр эрүүгийн хэрэг үүсгэн шалгаж байгаа юм. 

“Энэ бол сайд гэж хэлэхээргүй хүн. Надад ирж байгаа мэдээлэл, баримтуудаас харахад энэ хүн бол төр ард түмний хөрөнгөнөөс авч болох юу л байна, жижиг гэлгүй гэрээдээ зөөдөг хүн байна” гэж ДЯЯ-ны тэргүүн Аваков тайлбар хийжээ.