Энэтхэгийн Андра Прадеш мужид эцэг эх нь төрсөн охиноо хөнөөсөн хэрэг гарчээ. 26 настай бүсгүй хуримаа хийх гэж байхдаа унтлагын өрөөндөө хоолойгоо боолгож амиа алдсан байхыг найзууд нь олжээ. Энэ хэрэгт охиныхоо гэрлэлтийг эсэргүүцэж байсан эцэг эхийг нь шалгасны эцэст тэд гэм буруугаа хүлээсэн байна.
Мэдээллийн технологийн мэргэжилтэй залуу бүсгүй өөртэйгээ ижил мэргэжлийн боловч амьдралын боломж муутай залуутай гэрлэсэн нь эцэг эхийнх нь эсэргүүцэлтэй тулгарчээ. Эцэг эх нь зөвшөөрөөгүй ч охин хуримаа хийсэн бөгөөд ээж аав нь түүнийг нэгэнт гэрлэсэн болохоор уламжлал ёсоор хуримаа хий хэмээн нутаг руугаа дагуулж явсан байна. Гэвч хурим хийхийн өмнө тэд сүйт бүсгүйг нөмрөгөөр нь хоолойг нь боож хөнөөжээ. Энэтхэгт нийгмийн анги, давхарга харгалзан гэрлэх явдал одоо хүртэл бат бөх оршсоор байгаагийн нэг илрэл нь энэ хэрэг боллоо. Хэдэн жилийн өмнө маш өндөр боловсролтой, хувьдаа эмнэлэгтэй, чинээлэг нэгэн гэр бүл ганц охиноо зарц залуутай хайр сэтгэлтэй боллоо хэмээн хөнөөсөн хэрэг ч гарсан юм.