“Оросын төмөр зам” буюу РЖД компани өчигдөр Сербийн төмөр замыг шинэчлэх, шинээр төмөр зам барих ажлаа эхэлсэн тухай “РИА” агентлаг мэдээллээ. Сербийн Засгийн газрын хүсэлтийн дагуу Орос 800 сая ам.долларын экспортын зээл өгсөн юм. Энэ зээлийн хүрээнд РЖД-ийн охин компани нь Сербийн хуучин төмөр замыг засч, шинээр төмөр зам тавих, чирэгч толгой нийлүүлэх ажлыг гүйцэтгэх юм. Сербийн төмөр зам нь олон жил үргэлжилсэн дайн байлдаан, санхүү ба эдийн засгийн хямралын улмаас ихээхэн элэгдэлд орсон. Төмөр замыг сүүлийн 40 гаруй жил засварлаагүй, 30 жилийн турш шинэ толгой худалдаж аваагүй гээд олон асуудалтай байсан тул Засгийн газар нь шинэчлэхээс өөр аргагүй болжээ.