Өнгөрсөн оны арваннэгдүгээр сард далай доорхи галт уул дэлбэрсний дүнд бий болсон шинэ арлын талбай өнгөрсөн дөрвөн сарын хугацаанд 70 дахин нэмэгдлээ гэж Японы Аюулгүйн албаныхан мэдээллээ. Тэд нисдэг тэргээр явж судалгаа хийсний дүнд ийм дүгнэлтэд хүрчээ.
Японы Огасавара мужийн нутаг  Номхон далайн ёроолд оршдог галт уул 2013 оны арваннэгдүгээр сарын 20-ноос тургиж баруунаас знн тийш 100, хойноос өмнөд рүүгээ 200 метрийн хэмжээтэй арал үүссэн юм.
Гэтэл өнөөдөр арлын хэмжээ өмнөөсөө хойш 1150, баруунаас зүүн тийш 850 метр болж нийт талбай нь 700 хавтгай дөрвөлжин метр буюу 70 га болжээ. Энэ бол анхны хэмжээнээсээ 70 дахин томорсон гэсэн үг.
Судлаачдын хэлж байгаагаар бол далайн гүн дэх галт уул оргилсоор байгаа болохоор арлын хэмжээ цаашид ч өсч зэргэлдээх Нисиносима аралтай нийлэх юм байна.
Олон улсын далайн эрхээр зөвшөөрснөөр бол эргээс 22,2 км газрыг тухайн улсын газар нутагт хамааруулж үздэг болохоор  Японы газар нутгийнхаа хэмжээг нэмж тооцох эрхтэй юм.