Хойд Солонгосын удирдагч Ким Чен Уны дүү Ким Ёо Жон ахынхаа ажлын албаны дарга буюу Хөдөлмөрчдийн намын ерөнхий нарийн бичгийн даргаар ажиллаж байгаа аж. Тэрээр бүр өнгөрсөн жилийн эхээр энэ албанд томилогдсон гэж эх сурвалж хэлсэн байна.
Ким Ёо Жоны эрхэлсэн ажил нь удирдагчийн гэр бүлийн өдөр тутмын хэрэгцээг хангах, худалдан авах, нам болон цэрэг армиас ирсэн мэдээ мэдээллийг дамжуулах үүрэгтэй гэнэ. Ким Чен Уны эцэг Ким Чен Ир сайн, муу ямар ч мэдээллийг шууд хүлээн авна хэмээн тушаал буулгасан учраас бүх л төрлийн мэдээг түүнд хүргэдэг байсан бол одоогийн удирдагч муу мэдээ сонсохоороо маш түргэн цочмог уурладаг учир дүү нь ямар мэдээллийг хүргэхээ ангилж ялгадаг аж.
Ким Ёо Жоноос өмнө намын нарийн бичгийн албанд Кимийн гэр бүлийнхнээс ажиллаж байгаагүй аж.