АНУ-ын Төрийн нарийн бичгийн дарга асан Хиллари Клинтоныг Лас-Вегаст Хог хаягдлыг дахин боловсруулах тухай арилжааны бус байгууллагуудын их хурал дээр үг хэлж байхад нь заалнаас нэгэн нь гутлаа шидсэн байна. Хатагтай Клинтон шидсэн гутлаас зайлаад наргиан болгож өнгөрүүлсэн байна. Тэрээр “Хатуу хог хаягдлыг дахин боловсруулах сэдэв ийм өдөөн хатгасан сэдэв гэдгийг би мэдсэнгүй, бурхан минь” гэжээ. Төрийн нарийн бичгийн дарга асан хатагтай руу гутал шидсэн эмэгтэйг хамгаалалтын албаныхан тэр дор нь саатуулсан байна.
Хиллари Клинтон хатагтайг 2016 оны АНУ-ын Ерөнхийлөгчийн сонгуульд нэр дэвшиж магадгүй гэсэн яриа байгаа ч эцсийн шийдвэр хараахан гараагүй байгаа юм.