Украины Үндэсний аюулгүй байдлын зөвлөл тус улсын зүүн зүгийн нутагт цэргийн өргөн хэмжээний тусгай ажиллагаа явуулах шийдвэр гаргалаа хэмээн ерөнхийлөгчийн үүрэг гүйцэтгэгч Александр Турчинов мэдэгдсэн байна. Энэ ажиллагаанд зэвсэгт хүчин, тусгай албадыг оролцуулах юм байна. Турчинов “Украины зэвсэгт хүчнийг оролцуулсан терроризмын эсрэг өргөн хүрээтэй ажиллагаа эхлүүлэх шийдвэрийг Үндэсний Аюулгүй байдлын зөвлөл гаргалаа” гэж “Рада” телевизээр ням гарагийн орой мэдэгдсэн байна.
Тэр бас Украины засгийн газар хүний амь эрсдүүлэхгүй байх талаар бүхий л арга хэмжээ авна гэжээ.
Украины дорнод нутгийн Донецк, Луганск, Харьков хотуудыг оросын талыг баримтлагчид төр захиргааны албан байруудыг эзлэн авч эмх замбараагүй байдал үүсгэн 12-13-ны өдрүүдэд Славянск, Краматорск, Красный Лиман болон  Енакиев хотуудад зэвсэглэсэн хүмүүс цагдаагийн хэсгүүд рүү дайрсан байна.