Чилийн Вальпараисо хотноо гарсан асар том түймрийн улмаас 12 хүн амь алдаж, хоёр мянга орчим байшин барилга шатлаа гэж орон нутгийн эрх баригчид ням гарагт мэдээллээ. “Хотын 11 хэсэгт түймэр асч 850 га газрын хамран 2000 орчим байшин шатаж нийт 8000 орчим хүн нэрвэгдлээ” гэж Чилийн ДЯЯ-ны сайд Родриго Пеньяилильо мэдэгдсэнийг хэвлэлүүд дамжуулжээ. Үүний өмнө эрх баригчид хотын аюултай бүсээс 10 мянга орчим хүнийг нүүлгэн шилжүүлсэн юм. Түймрийн үеэр хүчтэй салхитай байсан нь гал унтраахад бэрхшээл учруулж эулам газар авахад хүргэжээ. Өнгөрсөн жил яг өдийд энэ хотод бас түймэр гарч орон сууцны 30 байшин шатаж байсан юм.
Эрх баригичд одоо орох оронгүй болсон ард иргэдэд юун түрүү 100-250 долларын нөхөн төлбөр олгох шийдвэр гаргажээ.