Чилийн Сантьяго хотоос 75 миль зайтай Валпарайсо хотод өчигдөр үдээс хойш томоохон хэмжээний гал түймэр гарч, 11 хүн амь насаа алдаж, мянга гаруй айл орон гэргүй хоцорлоо.  Гал хотын захын толгод дээр орших байшингаас эхэлж гарч, хүчтэй салхины улмаас доор орших барилга байшингуудыг тэр дороо нөмрөн авчээ. Түймэр хэт их цар хүрээг хамарч, хурдацтай тархаж байсан учир хотод гамшгийн бэлэн байдал зарлаж, армийг оруулсан байна. Цэргүүд 5000 гаруй оршин суугчийг түймрийн аюулаас холдуулж, нүүлгэн шилжүүлэх ажилд оролцжээ. Түймэр гарсан газар байрладаг шоронгоос 200 гаруй эмэгтэй хоригдлуудыг нь спортын цэнгэлдэх хүрээлэн рүү нүүлгэн шилжүүлж, 2000 гаруй эрэгтэй хоригдлыг шоронд нь үлдээсэн байна.