Аугаа их Эх орны дайны ялалтын 69 жилийн ойн баярын цэргийн парад Москвагийн Улаан талбайд эхлэх гэж байна. Цэргийн баярын парадад 11 мянга гаруй цэрэг, офицер жагсах бол 151 нэгж байлдааны техник, оросын агаарын цэргийн хүчний 69 онгоц, нисдэг тэрэг оролцоно.
Цэргийн парадыг хурандаа генерал Олег Салюков командалж, ОХУ-ын Батлан хамгаалахын сайд Сергей Шойгу хүлээн авах юм.
Жагсаалын эхэнд ОХУ-ын төрийн далбаа, Зэвсэгт хүчний болон Ялалтын тугийг зална.
Тавдугаар сарын 9-ний  энэ өдөр ОХУ-ын нутаг дэвсгэрт нийтдээ ялалтын баярт зориулсан 10,5 мянган арга хэмжээ болох дотор 26 хотод цэргийн парад жагсч, 25 хотод баярын салют буудах юм байна.