Туркийн баруун нутгийн Манис мужийн гүний нэгэн уурхайд дэлбэрэлт болсноос 787 уурхайчин дарагдсаны 157 нь амь алдлаа гэж тус улсын Эрчим хүч, байгалийн нөөцийн сайд Танер Йылдызын хэлснийг Associated Press агентлаг дамжууллаа. Одоо 76 хүний хувь заяа тодорхойгүй байна.
Осол Стамбул хотоос өмнө зүгт 250 км газарт Сома гэдэг суурин дахь уурхайн  хоёр км орчим гүнд болсон байна. Дэлбэрэлтийн шалтгааныг цахилгааны утсанд богино холбоо үүсч түймэр гарснаас үүдсэн байж магадгүй гэж үзэж байгаа гэнэ. Ослын газарт одоо аврах ажил үргэлжилж байна.