Тавхан сартай зааны нялх тугал ээжээсээ өнчирч хоцорчээ. Ээж нь огт хөдлөхөө больж, амьсгал хураачихаад байхад бяцхан тугал түүнийг сэрээх гэж янз бүрээр оролдож, элгэнд нь наалдаж бүхэл шөнөжингөө гунигласан өр өвдөм дүр зургийг байгаль хамгаалагчид харжээ. Тугалыг  авч явах гэсэн боловч тэр бүр хөдөлж өгөхгүй, ээжээсээ холдох маш дургүй байсан учир шөнөжингөө хажууд нь байхыг харахаас өөр аргагүй байж.  Олон цагийн турш амьгүй ээжийнхээ хажууд гашуудсан бяцхан тугалыг маргааш өглөө нь байгаль хамгаалагчид арай гэж авч явж, тусгай хамгаалалттай газарт хүргэжээ.
Зааныг их ухаантай, мэдрэмтгий амьтан гэдэг. Нэгэн амьтны хүрээлэнгийн заан тугалаа голсны улмаас тугал нь таван цагийн турш уйлсан тухай мэдээ өмнө гарч байсан билээ.