2001 оны есдүгээр сарын 11-нд америкийн Нью-Йорк дахь Дэлхийн худалдааны төвийн ихэр цамхгийг дайрсан аймшигт халдлагаар 3000 орчим хүн амь үрэгдсэнийг байнга сануулж байх зорилгоор Манхеттенд музей нээсэн байна. Музейг ихэр цамхаг байсан талбайн яг зэргэлдээ газар доор байгуулжээ. Музейд ихэр цамхгийг онгоц мөргөж байгаа  дүрс бичлэгээс эхлүүлээд хэмхэрч гулзайсан барилгын тулгуур ган баганууд амь үрэгдсэн хүмүүсийн хувцас, эдлэл зэргийг дэлгэн тавьсан гэнэ.
Музей нээх ёслолд АНУ-ын ерөнхийлөгч Барак Обама, 2001 онд Нью-Йорк хотын дарга байсан Майкл Блумберг нар очсон байна.