Их үерээс болж Сербийн 12 хотын мянга мянган иргэнийг нүүлгэн шилжүүлэх боллоо гэж Associated Press агентлаг мэдээллээ. Энэ нь  Сава голын сав газрын хотуудын иргэдийг аюулгүй газарт нүүлгэн шилжүүлэх юм байна. Нийслэл Белградаас холгүй 30 км-т орших Обреновиц сууринд үерийн улмаас 10 хүн нас баржээ. 

Сүүлийн 100 жилд болж байгаагүй энэ үерийн улмаас Босни болон Сербид нийтдээ 20 гаруй хүн амь алдаад байгаа юм. “Хэдэн арван хүн орон гэрээ орхиж явахад хүрээд байна. Хот суурин газрууд усанд бүрэн автаж, хөрс нурж байгаагаас олон байшин хөрсөн дор оржээ” гэж ВВС радио станц дамжуулжээ.
Үерийн уршгаар амь алдсан хүмүүсийн дурсгалыг хүндэтгэж Босни Герцеговинд өнөөдөр гашуудал зарласан байна.