Нигерээс хулгайлсан сурагчдыг аврах ажилд оролцуулахаар Чад улс руу АНУ цэргийн 80 албан хаагчаа илгээлээ. Энэ цэргүүд агаараас тагнах, хайх ажиллагаа явуулах юм. Лалын шашны “Боко харам” бүлэглэлийнхэн Нигерийн зүүн хойд  нутгийн Чибок суурингаас 276 сурагчийн хулгайлан барьцаалсан юм. Цагдаагийнхны мэдээлснээр бол тэдний 53 нь зугтааж амжсан бол 223 нь өнөө хүртэл дээрэмчдийн барьцаанд байгаа юм. Зэвсэгт бүлэглэлийн тэргүүн өөрсдийн нь дайчдаас баривчлагдаад байгаа хүмүүсээр хүүхдүүдийг солино гэсэн болзол тавьж байгаа ч эрх баригчид үүнээс татгалзсан байна.
АНУ үүний өмнө бас хүүхдүүдийг эрэх ажилд туслуулахаар цэргийн албан хаагчдаа илгээсэн юм.