Хятадын Хэйлунцян мужид бөмбөрцөг хэлбэртэй гурван ч биет тэнгэрээс унажээ. Эхний биет Иань гацаанд нутгийн нэгэн иргэний ногооны талбайд унасан байна.
“Эхлээд шуугих чимээ их чанга сонсогдохоор нь хартал дугуй ч юм шиг бөөрөнхий ч юм шиг биет унаж харагдсан. Төмөр хийцтэй бөөрөнхий зүйлийг эхлээд би сүүлт од юм байх гэж бодсон” гэж хөдөөгийн тэр хүн ярьжээ.
      
Хэвлэлд бичсэнээр бол бөмбөрцөг хэлбэртэй тэр биет 90 орчим кг жинтэй байжээ. Шинжээчид үүнийг хиймэл дагуулын юм уу, зөөгч пуужингийн  эвдэрхий гэж таамаглаж байгаа гэнэ. Магадгүй Байконурын нислэгийн талбайгаас хөөрөөд 9 минутын дараа сүйрсэн оросын “Протон-М” пуужингийн хэсгээс байх гэж байна. “Протон-М” пуужин Хятадын дээр шатаж сүйрсэн гэж хэвлэлүүд бичсэн юм.