Дорнод Хятадын тэнгис дэх хятад японы маргаантай арлын бүсэд японы онгоцууд орсноос болоод Хятадын агаарын цэргийн хүчний сөнөөгч онгоцууд хөөрч японы өөрийгөө хамгаалах хүчний онгоцтой арай л мөргөлдчихөөгүй байна. Энэ талаар хятадын Батлан хамгаалах яам мэдээлээ.
Харин Японы Батлан хамгаалах яамны мэдээгээр бол бямба гарагт хятадын сөнөөгч Су-27 онгоц японы Lockheed OR-3S онгоцны араас мөрдөж түүнд бүр 50 метр ойртон ниссэн гэж байна. Цаг хэртэй хугацааны дараа хятадын онгоц бүр японы цахилгаан тагнуулын онгоцонд 30 метр ойртон нисчээ.
Японы талын мэдээлснээр бол хятадын сөнөөгч онгоцнууд японы үндэсний өөрийгөө хамгаалах хүчний агаарын хөлөгт 100 метрээс дотогш ойртсон анхны тохиолдол юм байна. Хятадын онгоцнууд японы онгоцонд ингэж ойртохдоо холбоо барих ямар нэгэн оролдлого хийгээгүй гэжээ. Японы Батлан хамгаалахын сайд Ицунари Онодэро “Онгоцонд ингэж ойртох нь маш аюултай үр дагаварт хүргэж мэдэх юм” гэж тэмдэглээд байр сууриа Хятадын талд илэрхийлсэн гэж байна.