ОХУ-ын Новгород мужийн нэгэн замын цагдаад хахууль өгөх гэснийхээ төлөө Казахстаны иргэн 120 мянган рублиэр торгуулахад хүрээд байна гэж Новгород мужийн прокурорын албан ёсны сайтад бичжээ.
“Новгород мужийн Чудовын районы шүүх Казахстан улсын иргэн 27 настай Эрматжан Нарметовын хэргийг авч үзээд хууль бус үйлдлийнхээ төлөө албан тушаалтанд хахууль өгөх гэсэн хэмээн үзэж 120 мянган рублиэр торгохоор шийтгэлээ” гэж мэдээлэлд дурджээ.
2014 оны гуравдугаар сарын 23-нд Чудовын районы нэгэн зам дээр авто замын байцаагч Казахстаны улсын дугаартай ачааны гурван машиныг хөдөлгөөний дүрэм зөрчсөнийх нь төлөө зогсоожээ.
Гэтэл тэр машины нэгд нь зорчиж явсан Нарметов замын байцаагчийг дуудаж протокол үйлдэх хэрэггүй хэмээн 3000 рубль хахууль болгон өгөхөөр амласан байна. Харин замын цагдаагийн байцаагч хэргийн газарт цагдаагийн ажилтнуудыг дуудсанаар хахууль өгөхийг оролдогч үйлдэл дээрээ баригдаж, хахууль өгөх гэж байснаа ч хүлээжээ.
Ингээдп л тэрээр ОХУ-ын Эрүүгийн хууль ёсоор авлига өгөх гэснийхээ төлөө өгөх гэж байсан хахуулиасаа 40 дахин их мөнгөөр торгуулах болсон байна.