“Севол” гатлага онгоцыг эзэмшдэг байсан компанийн эзэн Ю Бен Уны орогнож байгаа газрын талаар бодит мэдээлэл өгсөн хүнийг 500 мянган ам.доллараар урамшуулна гэдгээ Өмнөд Солонгосын Засгийн газар мэдэгджээ. Компанийн эзэн Ю Бен Ун болон бусад ажилтнууд гатлага онгоцонд цаг тухайд нь засвар хийлгүй мөнгө хэмнэсэн нь осол гарахад хүргэсэн гол шалтгаан гэж үзэж байгаа юм. Үүний дээр компанийн эзнийг мөнгө угаасан, авлигын хэрэгт холбогдсон, татвараас зайлсхийсэн хэрэгт буруутган эрэн сурвалжилж байна.