Энэ оны гуравдугаар сарын 8-ны шөнө Малайзын нийслэл Куала Лумпураас Бээжин орох гэж яваад сураггүй алга болсон “Боинг 777-200” онгоцны  сураг гарлаа.
Австралийн Тээврийн аюулгүй байдлыг хангах агентлагийн мэдээлж байгаагаар бол Малайзын энэ онгоц шатахуун нь дуусч Энэтхэгийн далайд унасан байх магадлалтай гэнэ. Онгоцны электрон систем, бүх бичлэгийг  задлан шинжилж  үзсэн  шинжээчдийн хийсэн дүгнэлтээс үзэхэд онгоц шатахуун нь дууссан байх магадлалтай гэнэ. Үүнээс гадна мэргэжилтнүүд Онгоц хөөрөөд Энэтхэгийн далай дахь агаарын нислэгийн М641 гэсэн замаар явсан гэж байна. Хамгийн гол нь Боинг 777-200 онгоц энэ замаар нисэхдээ багийн гишүүд нь ухаангүй, онгоц нь авто нислэгийн горим дээрээ байсан гэж дүгнэлт гаргасныг ИТАР-ТАСС мэдээллээ.