ОХУ-ын Алтайн хязгаар үргэлжлэн орсон борооны улмаас үер болж 8986 байшин усанд автаад байна гэж бүс нутгийн Онцгой байдлын хэвлэлийн алба мэдээллээ.

Гамшигт автсан бүсээс 23,8 мянган хүнийг нүүлгэн шилжүүлээд байгаа юм байна. Үерийн усны түвшин харьцангуй доошилж байгаа гэх боловч Бийскээс дээшхи суурин газруудад гамшгийн байдалтай хэвээр байна. Мөн Обь голын ус Усть-Пристань-Барнаул орчимд нэмэгдсээр байгаа гэнэ. Иймээс ойрын үед Барнаулд бас үер болж гамшиг нүүрлэж магадгүй гэж байна.
Үерт автсан нутгуудад ОХУ-ын Барилгын яамны мэргэжилтнүүд хэдийнээ ирж гамшгийн байдал болон хохирлын хэмжээг тогтоохоор ажиллаж байгаа юм байна. “Нөхцөл байдал хүнд байна. Сүүлийн 45 жилд болоогүй гамшиг тохиож байна. Ийм болохоор бид бэлэн байдлыг буулгах яагаа ч үгүй” гэж тус хязгаарын амбан захирагч Александр Карлин хэлжээ.
Үерийн улмаас эндэхийн хатуу хучилттай 230 км зам, 15 гүүр эвдрээд байна.