ОХУ-ын буриадын нийслэл Улан-Үдэ хотын Нийгмийн хамгааллын удирдах газар, Бүх оросын   ахмад дайчдын нийгэмлэгийн буриадын салбартай хамтран “ Миний өндөр өвөө Халх голд тулалдаж явсан” гэсэн уран бүтээлийн уралдаан зохион байгуулсан байна. Энэ арга хэмжээг зөвлөлт-монголын дайчид Халх голд Японы милитарист цэргийг бут цохьсоны түүхт 75 жилийн ойд зориулан зохин байгуулжээ. Уралдааныг шилдэг нийтлэлийн болон шилдэг танилцуулга гэсэн хоёр номинациар явуулж ерөнхий боловсролын сургуулийн ахлах ангийн сурагчид, их дээд сургуулийн оюутнуудыг хамруулсан байна. Уралдаанд ирсэн шилдэг бүтээлүүдийг Халх гол дахь Сүмбэр сумын “Ялалтын музейд” хүлээлгэн өгч шилдэг бүтээлийн эзнийг Монголд болох Халх голын ялалтын 75 жилийн ойн арга хэмжээнд оролцуулах юм байна.