ОХУ-ын Чеченийн тэргүүн Рамзан Кадыров оросын “Рен ТВ” телевизийн “Долоо хоног хтөөлбөрт ярилцлага өгөхдөө Украинд эмх журам тогтоохын тулд тийшээ 74 мянган чечень иргэнийг илгээхэд бэлэн байна гэлээ. Донецк мужид байгаа чечень иргэдийн тухай асуултад тэрээр үнэхээр тэнд чеченийн сайн дурын 14 хүн байлдаж байгааг хүлээн зөвшөөрсөн байна. “Би тэнд байгаа “Өмнөд”, бас “Дорнод” батальоныг сонирхсон. Манай нэг залуу нисэх буудлын дэргэд бөмбөгний хэлтэрхийд оногдож нас барсан” гэж Кадыров хэлжээ.
Чеченийн удирдагч “уг нь украин руу 14 биш 4000 хүн илгээх байсан юм. Чеченьчүүдийн хувьд дайн нэг их асуудал биш. Харин ч таатай зүйл. Би ч өөрөө үүнд дуртай. Чамайг алчихаж мэдэх л юм, гэхдээ энэ тухай бодох хэрэггүй” гэж Чеченийн удирдагч хэлж байна.
Энэ долоо хоногт Донецкт болсон тулалдааны үеэр Кавказаас Украинд ирж байлдаж байгаа нэг отрядыг устгалаа хэмээн Украины хэвлэлүүд мэдээлсэн юм. Сайн дурынхан Донецкийн нисэх будлыг чиглэж яваад украины хүчнийхэнтэй тулгарч машин нь бөмбөгөнд оногдож сүйрсэн юм.