Энэ сарын 7-нд болсон Украины ерөнхийлөгч Петр Прошенкогийн тангараг өргөх ёслолын үеэр түүний алхах хивсний дэргэд хүндэт харуулд зогсч байгаад яг Прошенког дэргэдүүр нь явах үеэр ухаан алдан унаж буугаа алдсан цэргийг украины зүүн нутагт болж байгаа цэргийн мөргөлдөөн рүү илгээсэн байна.

Үүний зэрэгцээ ерөнхийлөгчийн тангараг өргөх ёслолын арга хэмжээнд оролцсон хүндэт харуулын 10 цэргийг ч бас терроризмын эсрэг ажиллагаанд оролцуулж байлдуулахаар явуулжээ.
Петр Порошенко машинаасаа буугаад улаан хивсэн дээгүүр алхаж байх үед хивсний хоёр талаар зогсч байсан Ерөнхийлөгчийн хорооны нэг цэргийн бие муудан унаж буугаа газар алдсан юм. Үйл явдлыг ёслолыг сурвалжилж байсан гадаад дотоодын олон телевиз, гэрэл зурагчид зургийг нь авсан байна. Сүүлд нь тодруулахад тэр цэрэг халуун наранд удаан зогссоноос ийн бие нь муудсан гэжээ.