Тайландын “Miss Universe”-т түрүүлсэн Велури Децаяабат Facebook-ийн хэтэрхий их шүүмжлэл, доромжлолоос болоод миссийн титмээ эргүүлэх өгчээ.  Тэрээр “Facebook” хуудсаараа улс төрийн үзэл бодлоо илэрхийлсний улмаас ийн шүүмжлэл доромжлолын бай болсон аж. Тэрээр эрх баригчдыг эсэргүүцэн байнга жагсаал цуглаан хийдэг улаан цамцат хөдөлгөөнийхнийг бүгдийг нь цаазлах хэрэгтэй гэж бичсэний дараа түүнийг маш бүдүүлэг үгсээр тэр дундаа “хэтэрхий тарган” гэж хүртэл гоочлуулжээ. Сэтгэл зүйн дарамтаас болж мисс бүсгүй ээжтэйгээ хамт шөнө ч унтаж чадахаа больсон учраас миссийн титмийг буцааж өгөх нь зөв гэж шийджээ. Тэрээр өөрийг нь сонгож дэмжсэн шүүгчид, үзэгчдэд баярлаж байгаагаа илэрхийлсэн ч цаашид энэ дарамтыг тэвчиж чадахгүй нь гэж хэлжээ.