Өмнөд Солонгосын ерөнхийлөгч  Пак Кын Хе тус улсын Ерөнхий сайдын албан тушаалд өмнөдийн гол хэвлэлийн нэг “Чунан Ильбо” сонины сэтгүүлч байсан Мун Чан Гыкийн нэрийг дэвшүүлсэн байна. Одоо Өмнөд Солонгосын парламент Үндэсний Ассамблей түүнийг энэ албан тушаалд батлах эсэх асуудлыг хэлэлцэж шийдвэрлэх юм. Өнөөдрийн байдлаар Ерөнхий сайдын албан тушаалыг “Севоль” хөлгийн осолдсонтой холбоотой асуудлаар албан тушаалаасаа огцрох хүсэлтээ өгөөд байгаа Чон Хон Вон үргэлжлүүлэн хашиж байгаа юм.
Ерөнхийлөгч Пак Кын Хе Японд Элчин сайдаар ажиллаж байгаа Ли Бён Киг улсынхаа Тагнуулын албыг удирдуулахаар санал тавьжээ.