Америкийн тэнгисийн цэргийн албан хаагч, ахмад  Кей гэгч Улаан нүдэн буюу Ангараг гариг дээр 17 жил алба хаасан гэж ярьсан байна. Тэрээр тэнд цэргийн нэгэн нууц баазыг Ангараг гаригийн дайсагнагч иргэдээс хамгаалах ажил хийж байсан гэнэ. Тэр өөрийгөө “дэлхийг хамгаалах алба” гэдэг олон үндэстнээс бүрдсэн сансрын флотын дарга нарын нэг байсан гэжээ. Өнгөрсөн 17 жилд тэрээр Ангараг гариг дээр АНУ, Хятад, Оросын цэргийн албан хаагчидтай хамт судалгааны таван ч баазыг хамгаалан ажиллаж байсан байна.
Тэнгисийн цэргийн энэ ахмад бас харь гаригийн цэргийн албанд гурван жил гаруй зүтгэжээ. Энэ хугацаанд Кей сансрын орон зайд нисгэхээр тусгайлан бүтээсэн сөнөөгч, бөмбөгдөгч  хэд хэдэн төрлийн онгоц жолоодож сурсан байна. Энэ сургалт нь саран дээрх  Lunar Operations Command нэртэй баазад явдаг байжээ.
Харин Кей Ангараг дээрх түүний албанд хэдэн хүн байдгийг хэлээгүй байна.
“Энэ 20 гаруй жилийн хугацаанд Ангараг дээр ажиллахдаа үнэхээр ядарлаа” гээд одоо намайг чөлөөнд гарахыг удирдлага зөвшөөрсөн гээд түүнийг хүндэтгэлтэйгээр гавьяаны амралтад гарах ёслолд нь өндөр албан тушаалын хүмүүс, Батлан хамгаалахын сайд асан Дональд Рамсфелд ч байсан гэжээ.
Ахмад Кейн энэ яриа уран зөгнөл шиг мэт боловч Ангараг дээр цэргийн нууц бааз байдаг гэдгийг баталж байгаа ганц хүн биш. Түүний яриагаар телевизийн  UFO TV суваг хагас цагийн нэвтрүүлэг хийгээд цацах гэж байгаа юм байна.