Францын ерөнхийлөгч асан Николь Саркозиг хууль сахиулагчид саатуулан байцаалт авсан байна. Энэ нь тус орны түүхэнд ерөнхийлөгч байсан хүнээ анх удаа саатуулан мөрдөн шалгсан хэрэг болж байна. Экс ерөнхийлөгчийг 2007-2012 онд төр тэргүүлж байхдаа албан тушаалын бүрэн эрхээ хэтрүүлсэн хэмээн сэжиглэж байгаа юм байна. Түүнийг бас мөрдөн байцаалтын нууцыг зөрсөн гэжээ. Хууль сахиулагчдын сэжиглэж байгаагаар бол Саркози засаг захиргааны өндөр албан тушаалтнаас өөрийг нь мөрдөж байгаа хэргийн талаар шаардлагатай мэдээлэл авахаар оролдсон гэнэ. Гэхдээ Le Monde сонины мэдээлснээр бол Саркози хүссэн мэдээллээ авч чадаагүй бололтой.
Францын экс ерөнхийлөгчийг бас сонгуулийн өмнөх кампанит ажилдаа Ливийн удирдагч Муамар Каддафигаас хөрөнгө авч зарцуулсан байж магадгүй гэж хууль хяналтынхан шалгаж байгаа юм. Саркозийн утсыг чагнаж байх үедээ мөрдөн байцаагчид санамсаргүйгээр огт өөр хэрэг болох тэрбумтан Лиллиан Беттанкур түүний сонгуулийн өмнөх кампанид их хэмжээний мөнгө гаргасан тухай олж мэдсэн байна. Энэ бүхний төлөө Николь Саркозид 10 хүртэлх жилийн ял нүүрлэж байгаа юм.  
Ерөнхийлөгч асан Саркозиг саатуулан мэдүүлэг аваад  нэг хонуулалгүй сулласан байна.