АНУ-ын Калифорни муж­ийг зургаан жижиг муж болгон хуваах саналыг 1,3 сая хүн дэмжин гарын үсэг зурсан байна. Ингэснээр муж­ийг хуваах асуудлаар бүх нийтийн санал асуулга явуу­лах боломж­той болж байгаа. Тэрбумтан Тим Дрейпер Калифорни мужийг зургаан жижиг муж хуваах саналыг анх 2013 оны сүүлээр гаргасан юм. Олон жижиг муж болгож хувааснааар намын ялгаанаас болж олон жилийн турш үр ашиггүй ажиллаж байгаа том муж улсын нэг Засгийн газрыг шуурхай, хариуцлагатай, үр ашигтай ажилладаг зургаан жижиг Засгийн газартай болгосон нь дээр нь гэж Тим Дрейпер үзэж байгаа аж. Энэ асуудлын талаар мужийн иргэд санал асуулга явуулахад 808 мянган хүний гарын үсэг цуглуулах шаардлагатай байжээ. Одоо нэгэнт ийнхүү санал асуулга явуулах босгыг давсан тул Цагаан ордон ямар хариу өгөхийг хүлээж байгаа бөгөөд нааштай хариу авбал 2016 онд санал асуулга явагдана. Гэвч ихэнх шинжээч энэ асуудлыг хэлэлцэх санал асуулга явагдахгүй гэж үзэж байна. Юуны өмнө АНУ-ын Конгресс энэ саналыг дэмжихгүй, дээр нь хоёрдугаар сард мужийн иргэдийн дунд судалгаа явуулахад 59 хувь нь Калифорни мужийг байгаа чигээр нь үлдээхийг дэмжжээ.
Калифорни муж нь хүн ам ба ДНБ-ий хэмжээгээрээ АНУ-д нэгдүгээрт, газар нутгаараа гуравдугаарт ордог. Америкийн мэдээллийн технологийн салбарын бүх л том компаниуд ажилладаг Цахиурын хөндий нь мөн л Калифорнид байрладаг.