Саудын Аравийн “Al Ekhbariya” сувгийн мэдээний хөтлөгч шууд нэвтрүүлэгт толгойгоо алчуураар ороолгүй, үсээ задгай тавин гарч ихээхэн дуулиан тарьжээ.  Лалын шашинт Саудын Аравид эмэгтэйчүүдэд зориулсан хувцаслалтын маш хатуу дэгтэй. Эмэгтэй хүн олны өмнө гарахдаа заавал царайг ил гаргаж, толгойг бүхэлд нь битүүлсэн арчуур хижаб өмссөн, биеийн галбирыг далдлах урт хувцастай байх ёстой. Энэ дэгийг зөрчсөн эмэгтэйг ташуурдахаас эхлээд янз бүрээр хатуу шийтгэдэг. Ийм байтал зурагтаар нь анх удаа үсээ ил задгай тавьж, биеэ барьсан хувцастай хөтлөгч гарсанд олон хүн дургүйцжээ. Мэдээний нэвтрүүлэг дууссаны дараа уурлаж бухимдсан хүмүүс олон зуугаараа суваг руу утасдсан байна. Үүний дараа Саудын Радио ба телевизийн хэрэг хариуцсан газрын нарийн бичгийг дарга тайлбар хийхдээ “Энэ нэвтрүүлэгт Их Британи дахь студиэс мэдээ уншиж байгаа хөтлөгчийг харуулсан байна” гэжээ. Өөрөөр хэлбэл манайд биш Британид байгаа болохоор ингэж дураараа загнажээ гэж учирласан байна. Цаашлаад “Бид үнэт зүйлсээ зөрчихийг хэрхэвч тэвчихгүй” гэжээ.