Крымийн хойгт түүхэн сэдэвтэй  олон нийтийн соёл, амралтын төв байгуулах гэж байгаа францын бизнесмен Филипп де Вилье Францын “Le Figaro” сонинд олны анхаарлыг татсан ярилцлага өгчээ. Крымийн хойгийг Орос булаан авсан гэж өрнөдийн орнууд хориг арга хэмжээ авч байхад маргаантай газар нутаг дээр түүхийн сэдэвтэй амралтын төв байгуулан хөрөнгө оруулалт хийж Оросыг, Путиныг дэмжлээ  гэлээ гэж түүнийг шүүмжилж байгаа юм.

Филипп де Вилье Ерөнхийлөгч Путинтэй уулзсан талаар “Энэ төрийн зүтгэлтний бусдыг өөртөө татах чадвар, соёлын солилцоонд тавьдаг анхаарал, үзэл бодлын цар хүрээнд нь сэтгэл ихэд хөдөлсөн. ...Владимир Путин бол эх оронч, алсын хараатай, шийдэмгий төрийн тэргүүн. Өнөөдөр Франц улсад Олланд шиг бус харин Путин шиг залуус хэрэгтэй байна гэсэн үг илүү олон сонсдох боллоо” гэж. Цаашлаад Орос ба Европ хоорондын харилцаанд ноёлж байх ёстой энх тайвны төлөө Крымд амралт, соёлын төв байгуулж байгаа “Европын түүхийг Америк тив дээр бичих ёсгүй” гэж онцолжээ.  
АНУ-ыг сүүлийн үед ухаалаг бус бодлого явуулж байна гээд “Украин НАТО-ийн гишүүн болох нь АНУ-ын хувьд хангалтгүй байгаа. Тэд Оросыг сөхрүүлж үндэсний онцлоггүй, даяарчлагдсан, хэрэглэхээс өөр зүйл боддоггүй хүмүүстэй болгодог өөрийн үзэл бодлоо тулган хүлээлгэхийн тулд Путиныг түлхэн унагахыг хүсч байгаа юм” гэсэн байна.