Парис Далласын чиглэлд нийслэг хийж байсан "American Airlines" компанийн онгоцны баг нэгэн зорчигчийг муухай үнэртэй гэдэг шалтгаанаар онгоцноосоо буулгажээ. Хөөрхий зорчигчийг онгоц хөөрөхийн өмнө бие засах өрөө орох хүсэлт тавьсны хариуд онгоцноос буухыг шаардсан байна. Зорчигч нисэх багийн шаардлагыг хүлээн авч, сайн дураар онгоцноос буухаас татгалзсан тул цагдаа дуудаж. Хэргийн газар ирсэн цагдаа нар шалгалт хийгээд Парис хотын оршин суугч хүн бусад зорчигчдын аюулгүй байдалд ямар нэг байдлаар заналхийлээгүй тул хүч хэрэглэн онгоцноос буулгаж чадахгүй гээд орхин явж .Үүний дараа онгоцны багийнхан зорчигчтой уулзан удаан ятгасны эцэст онгоцноос буулгаж чаджээ.
Үүний дараагаар франц эр өөрийг нь яс үндсээр нь ялган гадуурхсан гэж гомдоллоход нисэх онгоцны багийнхан Америкийн визгүй байсны дээр биенээс нь эвгүй үнэр гарч байсан тул онгоцноос буулгасан гэж тайлбарлажээ. Харин хэргийн эзэн болохоор өөрийгөө онгоцонд суухаас өмнө "Duty Free" орж үнэртэй ус авч түрхсэн тул муухай үнэртэх учиргүй, гадуурхсан гэж мэдэгдэж байгаа аж.
"American Airlines" компанийн дүрмэнд зорчигч багийн гишүүдтэй маргалдаж, зөрчилдсөн, онгоцонд хөл нүцгэн суух гэсэн, өвчин эсвэл тахир дутуу байдалтай холбоогүйгээр эвгүй, муухай үнэртэй бол тээвэрлэхээс татгалзахыг зөвшөөрсөн байдаг юм байна.