Монгол Улсын ерөнхийлөгч Ц.Элбэгдорж, Олон улсын хөлбөмбөгийн холбоо ФИФА-гийн ерөнхийлөгч Йозеф Блаттер нар Монгол Улсад хөлбөмбөгийн дэлхийн аварга шалгаруулах тэмцээн зохионо хэмээн 2011 онд хэлэлцээрт гарын үсэг зурсан. Британийн хэвлэлүүд үүнийх нь төлөө Монгол Улсын ерөнхийлөгчийг авлига өгсөн байж магадгүй хэмээн хардаж байна.

ФИФА-гийн өндөр албаны хэд хэдэн түшмэлийг авлигын хэрэгт сэжиглэн өнгөрсөн долоо хоногт баривчилсан.
Харин Йозеф Блаттер тав дахь удаагаа ФИФА-гийн ерөнхийлөгчөөр сонгогдоод байгаа. “Дейли мейл” сонин Блаттерийг дэлхийн нэр нөлөө бүхий хүмүүсээс авлига авсан байх  гээд энэ дотроо Монгол Улсын ерөнхийлөгчийг дурдсан байна.

Британийн хэвлэл Монгол Улсын Ерөнхийлөгчийг ФИФА-гийн ерөнхийлөгчтэй бэлгэ тэмдгийн чанартай гэрээ байгуулж 2011 оны нэгдүгээр сарын 26-ны өдөр Цюрихт гарын үсэг зурсныг сануулжээ. Энэ гэрээ ёсоор бол 2050 онд Монголд хөлбөмбөгийн дэлхийн аварга шалгаруулах тэмцээн зохионо гэсэн байгаа. “Дейли мейл” эндээ “Дэлхий дахинд хөлбөмбөгийн рейтингээр хамгийн доогуурт ордог оронд 2050 онд хөлбөмбөгийн дэлхийн аварга шалгаруулах тэмцээн зохионо гэж энэ гэрээнд бичсэн байх юм” гэж онцолжээ. Сонин бас ФИФА, Монголын хоёр ерөнхийлөгч хөлбөмбөгийн дэлхийн цомын тэмцээнийг 2042 юм уу, 2046 онд монголд зохион байгуулах тухай тохиролцсон гээд ийм л болохоор Элбэгдорж ерөнхийлөгчөөс Блаттер авлига авсан байж болох юм гэсэн байна хэмээн http://asiarussia.ru/news/7757/ сайтад бичжээ.