Засгийн газрын албан ёсны вэб хуудас www.zasag.mn дээр байршсан Боловсрол соёл шинжлэх ухааны яам цэсний мэдээлэл 2015 оны хоёрдугаар сараас хойш огт шинэчлэгдээгүй учраас тус яамны албан ёсны вэб сайт биш юм болов уу гэх эргэлзээ төрөв. Эсвэл оюутан сурагчдын зуны амралттай зэрэгцээд БСШУЯ-ы түшмэдүүд амарч байгаа юм уу гээд тус яамны нэрээр хайлт хийж үзвэл http://www.meds.gov.mn сайтад шинэ мэдээлэл орсон байх юм. Уг нь Ерөнхийлөгчийн зүгээс "Ухаалаг төр, цахимжсан төрийн алба" хэмээн зарлаж, багагүй мөнгө зарцуулж буй учраас төрийн албаны сайтууд ингэж мэдээллээ шинэчлэхгүй байх нь төөрөгдөлд оруулж байна. Угтаа бол тухайн яамны ажилтанд админ эрх өгдөг ч юм уу эсвэл яамны сайтад мэдээлэл нь ормогц Засгийн газрын нэгдсэн вэб сайтад шууд ордог байхаар холбож шийдэх боломжтой баймаар сан даа.