Оросын цэргүүдийг суулгасан 15 автобус бүхий цуваа сирийн зэвсэгт хүчнийхнээр хамгаалуулан Сирийн Хама хотод хүрэлцэн ирлээ гэж  нүдээр үзсэн хүмүүс мэдээлсэн байна. Оросын 300 орчим цэрэг бүхий нэгтгэл одоо Хама хотын захиргааны байшингийн дэргэд байрлажээ. Энэ бүс нутагт Сирийн арми 47 бригад байрлуулаад байгаа юм.
Нутгийн иргэдийн  мэдээлснээр бол нутгийн төв хэсэгт байрладаг энэ Хама хотод БТР-80 хуягт техник, шуурган галын БМ-21 пуужинт систем, өөрөө явагч 2С1 их буу зэрэг их хэмжээний  зэвсэгтэй Сирийн зэвсэгт хүчний ангиуд байгаа юм байна.
 Энэ цэргийн баазад команд удирдлагын машинууд, холбооны техникүүд ирсний дараа   БТР-80 хуягтуудыг оросын цэргийн хээрийн хувцастай дайчид дагалдаж ирсэн гэнэ.
Орон нутгийн сэтгүүлчид бас оросын цэргийн зөөврийн  Р-166-0,5 радиостанц Сирид үзэгдэх болсныг тэмдэглэжээ.
Хама хотын орчимд босогид болон Лива Аль-Ислам, Жабхат ан-Нусра байгууллагын дайчид идэвхтэй ажиллаж сирийн засгийн газрын цэргийн байрлал руу дайрах, аажмаар Латакийн зүг давшихаар бэлтгэж байгаа юм.