Филиппин улсыг дайран өнгөрсөн далайн хар шуурга хоёр хүний амийг авч оджээ. Гэхдээ албаныхан хоёр хүний амиас гадна маш их хөрөнгө мөнгөний хохирол учруулсан гэдгийг цохон тэмдэглэсэн байна. Корру нэртэй далайн хар шуурга тус улсын яг төв хэсгийг дайран өнгөрч, Тайванийг чиглэн Солонгос улсын арлыг чиглэн яваа талаар эх сурвалжууд мэдээллээ.

Филиппин улсын арлуудыг дайран өнгөрсөн хар шуурга жилийн энэ улиралд болж байгаа нь цаг уур судлаачдын хувьд иргэдэд урьдчилан сэргийлэх боломж олгодог. Өөрөөр хэлбэл, жил болгон далайн хар шуурга дайран өнгөрдөг юм шиг уламжлал тогтсон байдаг байна. Гэхдээ намар цагт далайн хар шуурга хамгийн тогтуун  боловч цар хүрээ ихтэй байдаг аж.

Хавар болдог далайн шуурга усархаг байдгаас гадна хүйтэн болдог талаар албаныхан өгүүлжээ. Ойролцоогоор 20 мянган хүн гэр оронгүй болсон бөгөөд Засгийн газар эдгээр хүнийг хэрхэн байр орон сууц, хоол хүнс, цэвэр усаар хангах тал дээр олон улсаас тусламж асууж магадгүй байдал үүсээд байгаа аж. Цагаан будаан ургац 40 хувь нь устаж үгүй болсон талаар тус улсын хөдөө аж ахуйн яамнаас мэдээлсэн байна.