Сүүлийн хоёр өдрийн агаарын дайралтаар Сирийн энгийн номхон иргэдийг үй олноор нь хөнөөсөн хэмээн Сири улсаас барууны хүчний босогчид мэдэгдэж, олон улс үүнийг анхааралдаа авахыг шаарджээ. Башар Аль Ассад болон ОХУ-ын цэргийн хамтарсан хүчин Сирийн ард иргэдийг хөнөөж дууслаа гэх уриа лоозон барьсан жагсагчид Дамаскус хотод эсэргүүцлээ илэрхийлэв.

Жагсаалд оролцогчид Башар Аль Ассадыг 2000 оноос хойш Сири улсыг дарангуйлж, хөгжлийн хоцрогдолд оруулж, эдийн засгийн монополь байдал сүүлийн 15 жил тогтоосон талаар ярьжээ. Ингэхдээ Сирийн Ерөнхийлөгч 16 мянган энгийн иргэнийг хөнөөсөн гэж мэдэгдсэн байна. Харин “ОХУ-ын хувьд Сирийн Засгийн газарт тусалж, агаараас энгийн иргэдийг хөнөөх ажиллагаа зохион байгуулж байна” хэмээн шүүмжиллээ. Гэвч хүний эрхийн байгууллага энэ үйл явдалд дорвитой арга хэмжээ аваагүй, мэдэгдэл ч хийгээгүй.

ОХУ-ын зүгээс лалын дайчид энгийн ард хувцастай Сирийн иргэдийн дунд орон ийнхүү худал мэдээлэл тарааж байгаа талаар мэдэгдэл хийж тайлбарласан. Нөгөөтэйгүүр лалын дайчдын цорын ганц арга зам нь олон улсаас тусламж гуйх гэдгийг өгүүлсэн. Башар Аль Ассадын эцэг Сири улсыг 30 гаруй жил удирдсан бөгөөд ОХУ-тай мөн л сайн харилцаатай байсан нэгэн.. Өмнө нь буюу жил хагасын өмнө Башар Аль Ассадын төр иргэдийн эсрэг химийн зэвсэг хэрэглэж байсан нь үнэн. Гэхдээ тэд 2011 оны хувьсгалын дараа төр засгийн эсрэг боссон салан тусгаарлагчид байсан талаар Сирийн төрийн мэдээллийн сайтууд уламжилсан байна.