Монголын кино урлагийн хөгжилд үнэтэй хувь нэмэр оруулж буй “ДОЗ” энтертайнментийн бүтээл “Элэг нэгтэн” уран сайхны кино Энэтхэгийн Дели хотноо болсон “Нойда” олон улсын кино наадмаас шагнал хүртжээ. Тодруулбал, 21 орны киночид бүтээл туурвилаа сойсон наадамд Ш.Доржсүрэнгийн найруулсан “Элэг нэгтэн” кино тэргүүлж, цомын эзнээр тодорсон байна.

Дашрамд сонирхуулахад, “ДОЗ” энтертайнментийн уран бүтээлчид сүүлийн үеийн киноны зураг авалтаа гадаадын улс оронд хийгээд зогсохгүй уран бүтээлчидтэй нь хамтран ажиллаж байгаа юм. Тухайлбал, “Дүүлэн нис”, “Хөх толбот хүмүүс”, “Кино шиг амьдрал” зэрэг кинондоо зураг авалт, дуу дүрсний шинэ өнгө төрх нэвтрүүлж, үзэгчдээс өндөр үнэлгээ авч байгаа билээ.