Венесуэлийн парламентын сонгууль өчигдөр боллоо. Сонгуулийн урьдчилсан төлөв байдлаас харвал өнөөгийн эрх баригчид ялах магадлал тун бага байгаа юм. Судлаачдын таамаглаж байгаагаар Ерөнхийлөгч Николас Мадуро тэргүүтэй эрх баригч нам Үндэсний ассамблейд дийлэнх суудлаа алдах нь тодорхой байгаа аж. Учир нь сонгогчдын гуравны нэг нь социалистуудын төлөө санал өгөхөд бэлэн гэж хариулж байсан гэнэ.  Газрын тосны үнэ унасаар байгаа нь Венесуэлийн эдийн засгийг хямралд хөтөлж буй юм. Мөн тус улсын иргэд эрх чөлөөг эрхэмлэж, гэмт хэрэг газар авч буйд сэтгэл зовнин, хуулийн байгууллагын авлига хээл хахуулийн асуудлыг цэгцлэх нь нэн тэргүүнд шийдэх асуудал хэмээн үзэж буй билээ. Энэ бүхнээс үүдэн социалист намын нэр хүнд нийгэмд маш ихээр унасан бөгөөд Мадурогийн үйл ажиллагаанд сонгогчдын 70 хувь нь сэтгэл дундуур байгаа гэдгээ илэрхийлжээ.  Үнэндээ Мадуро “Энэ сонгуулийн дүнгээс улс орны тайван амгалан байдал шалтгаална.  Ардчилсан намын нэгдмэл эвсэлд болон элдэв санал асуудлагад итгэхгүй байгаа. Тэд бол АНУ-ын загварыг хуулбарлан дэмжигчид” хэмээн хэлж байгаа юм. Хэрвээ сөрөг хүчин парламентэд олон суудал авбал Ерөнхийлөгчийн эрх үүрэг хязгаарлагдах нь тодорхой.