ОХУ-ын харьяат, тажикийн иргэн 44 настай, хар тамхины наймаачин  нэгнийг Монгол Улс руу нэвтрэх гэж байхад нь саатуулан барьсан байна.
Кемеров мужийн Кузбасст  их хэмжээний хар тамхи наймаалж байсан хэргээр 2014 онд баривчлагдаад байсан түүнийг тун удахгүй болох шүүх хурлын өмнө цагдан хорихоос батлан даалтад гаргаад байсан юм байна. Гэтэл тэрээр үүнийг ашиглан Монгол руу зугтаж нуугдах гэж байсныг нь ийн саатуулжээ.
“Түүнийг эрэн сурвалжилж байсны дүнд улсын хил давахаас нь өмнө, хилээс ердөө хэдхэн метрийн зайд саатууллаа. Гэмт этгээд гадаадад нуугдан хариуцлагаас мултрах гэж байсан” гэж  ОХУ-ын Кемеров мужийн ДХГ-ын хэвлэлийн албаны ажилтан Павел Подбородников мэдээлсэн байна.