ОХУ-ын Сахагийн бүгд найрамдах улсад бялуунаас хордсон хүн сүүлийн нэг хоногт долоо бүртгэгдэж нийт өвчилсөн хүний тоо 65 боллоо.
Хамгийн эхний тохиолдол бямба гаригт гарч гурван сургуулийн сурагчид “Нарыйаана”, “Зөгийн балт бялуу” гэдэг дэлгүүрээс худалдан авсан бялуу идээд хордлого авч 14 хүртэлх насны 23 хүүхэд эмнэлэгт ханджээ.
“Сүүлийн нэг хоногт хордлого авсан долоон тохиолдол илэрлээ. Гурав хоногийн дотор нийт 65 ийм тохиолдол гарсны 43 нь хүүхэд байна. Эдний 39-ийг нь эмнэлэгт хэвтүүлсний 31 нь хүүхэд байна” гэж эндхийн Мэргэжлийн хяналтын алба мэдээлжээ.
Мэргэжлийн хяналтаар нарийн боовны “Нарыйаана”  цехийн хоёр ч ажилчнаас өвчин үүсгэгч бактери илэрсэн нь бүтээгдхүүнд нь бас байж энэ нь хэрэглэгчдэд хордлого үүсгэсэн байна.
Өвчний шинжтэй хоёр ажилтныг нарийн боовны цехээс халж, буруутай хүмүүст эрүүгийн хэрэг үүсгэн шалгаж эхэлсэн байна.