Нийслэлийн Засаг даргын Зам, Тээвэр, Дэд бүтцийн асуудал хариуцан орлогч Н.Гантөмөрийн “Нийтийн тээврийн үйлчилгээний сахилга харицлагыг дээшлүүлэх, хөдөлгөөний аюулгүй байдлыг хангах талаар авах зарим арга хэмжээний тухай”  албан даалгавар энэ сарын 05-ны өдөр гарсан билээ. Энэ албан даалгавраар  нийслэлийн Тээврийн газар болон гэрээт байгууллагууд өндөржүүлсэн бэлэн байдалд шилжин ажиллахыг даалгасан. Тэгвэл  ажлын хүрээнд 12 сарын 10-ны өдрийн 06:40 цагаас оройны 22:40 цаг хүртэл  Ч:17А ”Баруун 4 зам-Их тойруу-Нарны зам”, Ч.17Б “Баруун 4 зам-Нарны зам-Их тойруу”, Ч:18А “3-4 хороолол-Ард кино театр-Тэц-4” чиглэлийн 19 автобусанд нийслэлийн Тээврийн газрын 38 мэргэжилтэн өдрийн турш хяналт тавин ажиллаа. Хяналт тавих хугацаанд “Ээлжийн жолоочгүй, хий хөлдсөн, машинтай шүргэлцсэн, LED хаяг ажиллаагүй, камерын харах өнцгийг өөрчилсөн” зэрэг зөрчлүүд илэрсэн. Илэрсэн зөрчлийг цаг тухайд нь “Хяналтын деспичер алба”-тай холбогдон арилгуулан ажилласан. Дээрх гэнэтийн хяналтын ажлыг энэ оныг дуустал өдөр бүр хийхээр төлөвлөгөө гарган ажиллаж байна гэж нийслэлийн Тээврийн газраас мэдээллээ.