“Нүүрс хөтөлбөр”-ийн хүрээнд төсвийн олон тэрбум төгрөг завшсан гэдэг тодотголтой  Л.Гансүх, Н.Даваахүү, Б.Мөнгөнтуяа нарт холбогдох Эрүүгийн хуулийн  166.2, 263.2 дугаар зйүлээр зүйлчилсэн  хэргийн давж заалдах шатны шүүх хурал Нийслэлийн Эрүүгийн хэргийн давж заалдах шатны шүүхэд болж  байна.
Шүүх хуралд шүүгдэгчийн өмгөөлөгчөөр Ц.Цэрэнжээ, Ц.Баасандорж, Л.Цэндсүрэн, Ч.Шаравнямбуу, Д.Энхбаяр нар,  улсын яллагчаар Б.Батжаргал, Ш.Баярбилэг нар оролцож байгаа юм. Нийслэлийн Эрүүгийн хэргийн давж заалдах шатны шүүхийн шүүгч Ш.Бат-Эрдэнийн шүүж байгаа энэ хэргийн  шүүх хуралд хөндлөнгийн ажиглагчаар УИХ-ын гишүүн Н.Алтанхуяг, С.Ганбаатар болон шүүгдэгчийн ар гэрийнхэн оролцож байна.
Харин шүүгдэгч Л.Гансүх өөрөө зөвшөөрсний үндсэн дээр шүүх хуралд 461 дүгээр хорих ангиас онлайнаар оролцож байгаа юм байна.