Засгийн газрын “Нүүрс” хөтөлбөр хэрэгжүүлэх  явцдаа албан тушаалаа урвуулан ашиглаж, улсад 3.6 тэрбум төгрөгийн хохирол учруулсан хэргээр шүүгдсэн Л.Гансүх нарын хэргийн давж заалдах шатны хурал даваа гарагт болж Ерөнхий сайд асан Н.Алтанхуягийн ахлах зөвлөх асан Л.Гансүхэд анхан шатны шүүхээс оноосон  4.6 жилийн ялыг хэвээр үлдээхээр болжээ. Харин шүүх хуралд оролцсон  нэг шүүгч энэ хэргийг гэмт хэргийн шинжтэй биш гэж үзэж буйгаа илэрхийлсэн нь монгол улсын шүүн таслах ажиллагаанд тохиож байгаагүй сонин зүйл болсон байна.
Мөн Л.Гансүх, Н.Даваахүү, Б.Мөнгөнтуяа нарын гурван иргэнд нийт 2 тэрбум 539 сая 730 мянга 860 төгрөгийг хувь тэнцүүлэн гаргаж, улсыг хохиролгүй болгох тухай  шийдвэрийг ч хэвээр үлдээжээ.